Prishtina arriti fitore të madhe me rezultat 2:0 sot kundër Besës.
Golat e fitores u shënuan nga Kryeziu dhe Krasniqi, teksa kryeqytetasit e merituan fitoren me lojën që treguan.
Pas ndeshjes deklaratë për ArtSport dha edhe trajneri francez i pejanëve, Jerome Klein.
“Ne i pritëm në zonën tonë në fillim, por pasi Prishtina na realizoi ne filluam të luanim më lartë”
“Lojtarët e mi luftuan dhe luajtën me shumë energji sot, patëm disa raste për të barazuar rezultatin por nuk shënuam”
“Ne nuk do të dorëzohemi, është e vështirë por do japim maksimumin ndeshje pas ndeshje, kjo është e rëndësishme”
“Plani është të vazhdojmë të luajmë, ne kemi lojtar të rinjë dhe duam të kemi progres në lojë dhe të luajmë më shpejtë. Nuk është e duhura të luajmë me topa të gjatë, por duhet të luajmë më mirë dhe më shpejtë e të përmirësohemi për të ardhmen, pastaj do të shohim”- përfundoi francezi.
Besa mbetet akoma në vendin e fundit me vetëm 6 pikë të grumbulluara.
