Klubi i futbollit Drita nga Gjilani konfirmon lajmin e kobshëm, se sot ka ndërruar jetë Naser Sylejmani. Pas legjendës së futbollit Shefqet Sinani, ndërron jetë edhe një punëtor sportiv.
“Me dhimbje të thellë ju njoftojmë që në moshën 66 - vjeçare pas një sëmundje të rëndë sot ndërroi jetë Naser Sylejmani.
Naseri ishte njeriu që kaloi më shumë se gjysmën e jetës në shërbim të klubit DRITA ku punoi si ekonom!
Gjithmonë në zemrën e familjes bardh e kaltër NASKI.
Ngushëllime familjes Sylejmani, familjes bardh e kaltër dhe gjithë komunitetit të futbollit”, njofton FC Drita.
