Sergio Busquets vlerësoi performancën e Barcelonës në Ramon de Carranza, ku katalanasit humbën kundër Cadiz.
Cadiz ka fituar ndaj Barcelonës në ndeshjen e djeshme të La Ligas me rezultatin 2:1.
“Është shqetësuese që ka shumë humbje, sa më shumë të gabojmë – aq më shumë do të largohemi nga pozicionet e larta, që është objektivi ynë” – tha fillimisht Busquets.
“Ne kemi reaguar në ndeshje, kur dukej se kishim mundësi, bëmë një gabim tjetër dhe është shumë më e vështirë pastaj”
“Gabimet individuale na kanë kushtuar shumë pikë. Në Ligën e Kampionëve skuadra duket ndryshe. Në ndeshjet e fundit gabimet specifike përcaktojnë ndeshjen dhe më pas është shumë më e vështirë. Ne nuk mund të fajësojmë dikë, por kështu po na vështirësohen fitoret”, përfundoi ai.
