Tottenhami fiton derbin londinez, me rezultat 2:0 kundër Arsenalit! Ndeshje me rivalitet, mjaft e mirë por spursat u treguan më të mirë duke triumfuar!
Me të merituarit për këtë fitore pa dyshim janë dyshja: Son Heung-Min dhe Kane!
Në minutën e 13-të, Son Heung-Min për bukuri godet nga rreth 20 metra duke shënuar eurogol në këndin e majtë, 1:0.
Në fund të pjesës së parë, futbollisti Harry Kane, si bishë, futet në 16-sh dhe nga afërsia, me një goditje të fuqishme shkund portën e “Topçinjve’, 2:0.
Granit Xhaka si zakonisht titullar por të zhgënjyer lëshuan fushën!
Ai me Arsenalin luftuan por nuk arritën të paktën një pikë nga stadiumi i Tottenhamit.
Xhaka u ndëshkua me karton të verdhë në pjesën e dytë përkatësisht në minutën e 75-të. Tottenham kryeson renditjen me 24 pikë, ndërsa Arsenali bie në pozitën e 15-të me 13 pikë.
Arsenali është në krizë të rezultateve, më së miri e dëshmon edhe renditja në tabelë. Jose Mourinho, trajner i Tottenhamit, është sikur në qiellin e shtatë, për fitoren e madhe ndaj rivalit të të njëjtit qytet.
