Skuadra kryeqytetase, Mabetex Prishtina do të përballet me skuadrën e Barcelonës në raundin e 1/16 të Ligës së Kampionëve në futsall.
Mabetex Prishtina e mësoi kundërshtarin pas shortit të hedhur në Nyon të Zvicrës.
Pas shortit ka reaguar edhe tifogrupi prishtinas “Plisat”.
Tifozët kryeqytetas kanë falënderuar protagonistët e kësaj historie, lojtarët dhe stafin e klubit.
Shkrimi i plotë i “Plisave”:
“DJEM, JU JENI KAMPIONË!
Ditë historike për ne, për qytetin dhe mbarë kombin shqiptar. Klubi i zemrës në futsall FC Prishtina ka arritur në majet më të larta europiane, kështu duke u përballur me katalonasit, FC Barcelona.
Falenderojmë të gjithë protagonistët e kësaj historie, lojtarët dhe të gjithë stafin që qëndruan prapa tyre. Ju e bëtë krenar popullin shqiptar.
Ëndrrat e të tjerëve, realiteti ynë!”.
Skuadra kryeqytetase kaloi në këtë rreth pasi që mposhti në atë të parin, Tiranën.
Ndeshja do të luhet në Spanjë mes 12-17 janar.
