Manchester United janë afër një marrëveshje me Kieran Trippier dhe janë duke e monitoruar nga afër situatën e tij tek Atletico Madridi, përcjell “Sky Sports”.
Mbrojtësi i krahut të djathtë tek Kombëtarja e Anglisë do të hyjë në 18 muajt e fundit të kontratës së tij me klubin madrilen këtë janar të vitit 2021.
Trippier, ish lojtar i Manchester Cityt, kaloi në radhët e Atletico Madridit nga Tottenhami, verën e 2019, kështu duke nënshkruar kontratë tre vjeçare me ta.
United momentalisht kanë vetëm Wan-Bissakan në atë pozitë dhe të riun Fosu-Mensah, dhe po shikojnë të nënshkruajnë sa më shpejtë me Trippier për ta përforcuar pozitën e krahut të djathtë.
