Mesfushori 20-vjeçar hungarez Dominik Szoboszlai ka tërhequr vëmendjen e shumë klubeve të mëdha europiane, me paraqitjet e tij mjaft të mira me fanellën e austriakëve të Salzburg, por e ardhmja pritet të jetë në kampionatin gjerman.
Siç raportojnë mediat në Gjermani, futbollisti pritet të transferohet te skuadra e Leipzig, që ka të njëjtin pronar me Salzburgun, ndaj janë sistemuar të gjithë detajet e operacionit që pritet të finalizohet gjatë muajit janar.
Kriza ekonomike e shkaktuar nga pandemia, ka bërë që klubet europiane të ofrojnë shumë më pak nga sa pretendon Salzburg, që në këtë mënyrë ka zgjedhur rrugën tjetër, ta transferojë te Leipzig për t’u rritur edhe më tej dhe për ta shitur më pas një apo dy vite më vonë, me një çmim shumë më të lartë sesa aktualisht.
Dominik Szoboszlai ishte shumë pranë transferimit te Milani gjatë verës, por Salzburg refuzoi ofertën prej 25 milionë eurosh të kuqezinjve dhe në këtë mënyrë këta të fundit vendosën të investojnë për blerjen e Sandro Tonalit.
