Trajneri i Real Madridit, Zinedine Zidane beson që Atletico Madrid janë favorit për ta fituar LaLiga Santader këtë sezon.
Los Blancos do të përballet me Atleticon në stadiumin Alfredo Di Stefano të shtunën në mbrëmje, në një ndeshje që Real Madrid nga vendi i katër luan kundër liderëve të ligës, Atleticos, të cilët në rast se fitojnë do të jenë larg rivalëve të qytetit për nëntë pikë.
“Po, sigurisht”, është përgjigjur Zidane kur është pyetur nëse Atleti janë favorit për ta fituar titullin në konferencën për shtyp të premten.
“Kjo është ajo që ata po tregojnë në fushë. Ata po ia dalin mirë dhe po garojnë. Gjithmonë kanë qenë garues dhe për momentin janë të parët”.
“Ajo çka na intereson ne është çfarë do të bëjmë ne. Do të jetë një ndeshje e mirë futbolli, një e atillë që tifozët e shënojnë në kalendarin e tyre për ta parë dhe një e atillë që futbollistët dëshirojnë ta luajnë”.
“Çfarë ne duam në gjithsecilën ndeshje është të tregojmë çfarë skuadre jemi, pa menduar a do ta fitojmë apo jo titullin. Ne dëshirojmë ta fitojmë çdo ndeshje. Ne duam të garojmë”.
