Mbrëmja e së shtunës na gjenë përballë një sfide tejet interesante.
Derbi i kryeqytetit spanjoll pritet ta gëzojë vëmendjen e gurmanëve të futbollit, pasi si Atletico Madridi, ashtu edhe Reali, janë nga favoritët për titull.
Ka qenë tekniku i “Los Colchneros”, Diego Simeone që ka thënë se për kundërshtarë i admiron galaktikët. Madje, thotë se Reali ka futbollistë me përvojë, por që mund të konkurrojnë me lojtarët e rinj.
‘Real Madrid ka shumë vjet që është në nivelin më të lartë, kjo gjë të bën t’i admirosh ata si rival. Tani pavarësisht se kanë lojtarë më të vjetër në moshë, 33, 34 dhe 35 vjeçar dhe ende janë në nivel të lartë të konkurojnë me lojtarët e rinj’, tha mes tjerash ai.
