Të dy kanë qenë pjesë e një Real Madridi që konsiderohej galaktik, teksa në fushë shpeshherë kanë dhuruar kombinime fantastike.
Fjala është për Ronaldo "Fenomenin" dhe Zinedine Zidane.
Sot njëri prej tyre është president i Valladolidit, ndërsa tjetri është një trajner shumë i suksesshëm.
Por, kohën e ndarë së bashku nuk e kanë harruar, teksa Ronaldo së fundmi ka pasur elozhe për Zidane.
"Zidane është lojtari më i mirë me të cilin jam stërvitur dhe kam luajtur.
Tashmë është bërë trajner dhe ka fituar tre Champions radhazi. Kështu unë sot pyes veten nëse ka qenë më i mirë si futbollist apo si trajner. Unë nuk jam në gjendje të përgjigjem", u shpreh braziliani Ronaldo.
