Ndryshe nga herët tjerë Federata e Futbollit e Kosovës përmes një ceremonie online pa mysafirë do ta bëjë zgjedhjen e “Laureatëve të vitit 2020”.
Për shkak të gjendjes me pandeminë COVID-19, nuk do të ketë gala mbrëmje me mysafirë tjerë, por të pranishëm do të jenë vetëm anëtarët e KE-së dhe “Laureatët e Vitit 2020”.
Tashmë është zgjedhur edhe lojtarja më e mirë e Kosovës në futboll, e cila është Blerta Shala.
Shala është pjesë e Përfaqësueses së Kosovës dhe futbolliste e KFF Mitrovicës.
“Falënderoj FFK-në për përkrahjen dhe çmimin. Këtë vit kam shënuar shumë gola, nuk e di saktë se sa, fitorja më e thellë e skuadrës duhet të ketë qenë me 13 gola”, deklaroi ajo.
