Mërgim Vojvoda, futbollisti i vitit në Kosovë! Anëtari i Kombëtares së Kosovës dhe i Torinos, u zgjodh lojtar i vitit.
"Po e mbyllin vitin në mënyrë të vështirë në nivelin futbollistik. Shpresoj që viti tjetër të na gjejë me suksesin më të madh pasi e meritojnë të gjithë. Dua t'i falënderoj bashkëlojtarët dhe trajnerët që kanë punuar me mua. Kjo është Kosova, jemi një, ju dua", tha Vojvoda.
Armend Thaqi, shpallet futbollisti më i mirë i Superligës së Kosovës për vitin 2020.
Ai ka treguar lojëra shumë të mira në radhët e Ballkanit.
Armend Thaqi
"Është nder për mua të shpallem më i miri. Shpresoj që viti 2021 të na gjejë edhe më të fortë", deklaroi mbrojtësi i Kosovës", tha mes të tjera Thaqi.
Në manifestimin e Federatës së Futbollit të Kosovës u shpall formacioni më i mirë i Superligës së Kosovës për vitin 2020.
Portier Faton Maloku (Drita), qendërmbrojtës Ardian Cuculi (Drita), Leotrim Bekteshi (Prishtina), mbrojtës i djathtë Armend Thaqi (Ballkani), mbrojtës i majtë Arbër Potoku (Ballkani), mesfushë Hamdi Namani (Drita), Endrit Krasniqi (Prishtina), Gerhard Progni (Gjilani), sulmues Ermal Krasniqi (Ballkani), Xhevdet Shabani (Drita) dhe qendërsulmues Mirlind Daku (Ballkani).
