Superylli i Barcelonës, Lionel Messi, e ka renditur Cristiano Ronaldon në mesin e sportistëve më të mirë në histori duke thënë se superylli i Juventusit është një emër që spikat në botën e futbollit.
Me vite të tëra është zhvilluar debati se cili është më i miri, argjentinasi apo portugezi, ndërsa vet Leo ka pranuar se ka respekt për CR7.
Ai ka thënë se e sheh Ronaldon në një listë me emra, si Rafael Nadal, Roger Federer e LeBron James.
“Janë shumë sportistë të mahnitshëm. Rafa Nadal, Federer, LeBron – në të gjitha sportet është gjithmonë dikush që spikat dhe admirohet për punën e tij”.
“Cristiano spikat në futboll. Ka shumë të tillë që spikatin dhe bëjnë më të mirën”, ka deklaruar Messi për La Sexta.
Theksojmë se Ronaldo u shpall futbollisti i shekullit në ceremoninë Globe Soccer Aëards në një eveniment madhështor në Dubai të Emirateve të Bashkuara Arabe duke dalë pikërisht përpara Messit.
