Një postim i gabuar në Instagram, me përmbajtje raciste, i ka kushtuar sulmuesit Edinson Cavani.
Uruguaiani i Manchester United është pezulluar me tre ndeshje dhe një gjobë që kap shifrën e 100 mijë funte.
Futbollisti kishte kërkuar falje për atë që ndodhi në muajin nëntor, pas ndeshjes kundër Southampton.
Cavani ishte në ekstazë, pasi kishte realizuar dy gola në fitoren 3-2 kundër Southampton.
Urimet për të ishin të shumta dhe mes tyre ishte edhe një mik.
33-vjeçari e postoi në “InstaStory” mesazhin e tij, ndërkohë që e shoqëroi me fjalët “Faleminderit zezak”.
Për këtë ai e ka pasuar tani nga organet disiplinore të Federatës Angleze të Futbollit.
