Skuadra e Southamptonit ka mposhtur Liverpoolin me rezultatin 1:0, falë golit të Ings.
Jurgen Klopp thotë se skuadra e tij e nisi dobët ndeshjen dhe kjo ndikoi që ata të humbin ballafaqimin e sotëm.
“Çfarë ishte zhgënjyese? Fillimi. Jo vetëm goli i pësuar, por fillimi në përgjithësi. Urime për Southampton ata e merituan fitoren”, tha fillimisht Klopp.
“Nuk mund të habiteni, por ne u dukëm të befasuar. Ne duhet të kishim bërë shumë më mirë.”
“Ata punuan shumë. Pozicionimi ynë thjesht nuk ishte e mirë. Ne duhet të kishim shumë më shumë shanse. Sadio Mane duhej të kishte një penallti sonte, dhe aty ishte prekje me dorë – nuk e di çka ndodhi… Nuk është një justifikim për performancën, por ju mund të merrni një pikë nëse penalltia do të akordohej. Tani ne duhet të reagojmë”
