Futbollisti Arb Manaj u shpall sportisti më i mirë për Komunën e Klinës. Manaj ndihet i lumtur për këtë çmim dhe e motivon edhe më shumë.
Ai është anëtar i skuadrës Keçiorenguc, që garon në ligën e parë turke.
“Nga Komuna e Klinës, pas vlerësimit të jurisë profesionale, më është ndarë çmimi i Sportistit të Vitit 2020.
Falënderoj jurinë për vlerësimin, kryetarin e Komunës për ndarjen e çmimit dhe veçanërisht familjen time për mbështetjen e parezervë.
Ky është një motiv për të vazhduar me punë dhe përkushtim të madh, në arritjen e sukseseve të reja”, ka thënë Manaj.
