Trajneri i Napolit, Gennaro Gattuso, ka insistuar se Napoli nuk mund të luajë bukur si “aktori Brad Pitt”, duke kërkuar nga ata që nganjëherë të luajnë “shëmtuar” si ai.
Këto komente ai i dha pas fitores së klubit të tij, 2:1, ndaj Udineses pas golit të fitores nga Tiemoue Bakayoko në minutën e 90-të.
“Napoli do që gjithmonë të jetë i bukur, por nganjëherë të jesh pak i shëmtuar është gjë e mirë”, ka thënë Gattuso.
“Nuk mund të jesh gjithmonë Brad Pitt, me flokë bionde dhe me sy të kaltër. Nganjëherë duhet të jesh pak i shëmtuar, si unë.
Tash po dukem më keq se zakonisht, teksa jam krejt i fryrë shkaku i injektimeve me kortizon, por ndihem më mirë”.
