Një episod i ri i shtohet çështjes familjare të Diego Armando Maradonës.
Lajmi për një vajzë tjetër të pretenduar të kampionit argjentinas, i cili vdiq më 25 nëntor. Emri i saj është Eugenia Laprovíttola, e lindur më 11 korrik 1995.
Ajo i ka filluar tashmë procedurat e vërtetimit të pretendimeve përmes AND-së, por, sipas transmetuesit argjentinas “America”, nuk do të dëshironte të merrte pjesë në këtë trashëgimi. Vajza është një mbështetëse e Gimnasia Esgrima de La Plata (klubi i fundit i udhëhequr nga Diego) dhe jeton në Berisso.
Sipas mediave argjentinase, Laprovíttola thjesht do të donte të dinte nëse Diego ishte me të vërtetë babai i saj dhe mundësisht të takonte nënën biologjike. Vajza u birësua që fëmijë dhe në shtëpinë ku u rrit u fol shumë për ish-kampionin e botës, prandaj u bë adhuruese e futbollistit.
Laprovíttola, gjithashtu arriti ta takonte Maradonën midis viteve 2018 dhe 2019, pa dyshuar se idhulli mund të ishte babai i saj.