Është pyetja më e shpeshtë që po bëhet këto ditë dhe do të vazhdojë deri në qershor, kur do të mësohet përgjigja përfundimtare.
Lionel Messi është në vitin e fundit të kontratës me Barçën dhe dëshira e tij ishte që të largohet verën e kaluar, por qëndroi me insistimin e klubit, por nuk dihet nëse do të vazhdojë ta veshë fanellën e katalunasve edhe pas qershorit.
Lidhur me këtë së fundmi ka folur edhe Armenteros, njeriu që u takua ditë më parë me Leon në Kupën e Mbretit dhe bisedoi për disa sekonda.
Ai, në El Chiringuito, zbuloi se: “Messi më tha se ende nuk e di se cfarë do të bëjë. Më dha përshtypjen se po largohet”.
Manchester City dhe Paris Saint Germain shihen si destinacionet e mundshme nëse Messi vendos t’i japë fund aventurës me klubin ku u rrit dhe u zhvillua si lojtar.
