Lojtari drejt largimit nga Bayerni, Flick: Shpresoj ta kemi dhe pas janarit!
Trajneri i Bayern Munchen, Hansi Flick, ka folur në lidhje me të ardhmen e futbollistit të tij Joshua Zirkzee. Talenti i gjermanëve duket afër Parmës ndërsa tekniku ka theksuar se nuk dëshiron ta humbasë.
“Unë mund të them se Joshua u stërvit ditën e sotme me ne dhe shpresoj se do të vazhdojë të stërvitet me ne edhe pas janarit. Nuk ka asnjë njoftim për të bërë aq më pak për të ardhmen e tij.
“Është një lojtar që unë e vlerësoj dhe sigurisht që e dua në ekip. Nuk ka luajtur shumë, por sigurisht që do t’i vijë dhe mundësia e tij”, – tha tekniku në lidhje me futbollistin e tij.
