Burimet e Interit pretendojnë se Fabio Paratici kërcënoi Lele Orialin gjatë pushimit të pjesës së parë të ndeshjes Juventus – Inter.
Përplasja midis Andrea Agnellit dhe Antonio Contes ishte vetëm një nga shumë përballjet që u zhvilluan gjatë sfodës Juventus-Inter mbrëmë.
Sipas burimeve të Interit të cituara nga “La Gazzetta dello Sport”, CFO i Juventusit Fabio Paratici ishte gjithashtu i përfshirë në një përplasje me Lele Orialin.
“Më mirë të qëndrosh larg nesh, ose unë do të të godas”, thuhet se Paratici i tha menaxherit teknik të Interit në tunel gjatë pushimit të gjysmës së parë të ndeshjes.
Oriali thuhet se po përpiqej të mbronte lojtarët e tij duke paralajmëruar drejtuesit e Juventusit që të mos flasin me lojtarët e Interit ose anëtarët e stafit.
Antonio Conte u tregoi gishtin e mesëm drejtorëve të Juventusit gjatë pushimit të pjesës së parë, por Inter pretendon se trajneri bëri një gjest të vrazhdë pasi kishte marrë fyerje dhe abuzime nga lojtarët dhe drejtuesit e Juventusit.
Burimet e Juventusit të cituara nga “Calciomercato.com” mohojnë që Paratici ishte i përfshirë në ndonjë përplasje gjatë pushimit dhe këmbëngulin që Conte shkoi shumë larg me protesta dhe me sjellje jo të hijshme.
