Futbollisti i sapo-rikthyer te Roma, El Shaarawy është bërë pjesë e një episodi të pakëndshëm pasditen e sotme.
Kjo pasi një hajdut provoi t’i vjedhë makinën në një nga rrugët e kryeqytetit italian, por tentativa dështoi.
Kjo pasi ishte vet El Shaarawy që pikasi hajdutin, në momentin që ky i fundit po thyente xhamin e makinës dhe më pas iu vu menjëherë në ndjekje, duke e arritur pas vetëm pak metrash, falë edhe shpejtësisë së tij.
I menjëhershëm edhe reagimi i forcave të policisë, që u gjendën menjëherë pranë për t’i vënë prangat hajdutit, tentativa e të cilit për të grabitur makinën e sulmuesit, nuk ishte aspak e suksesshme.
