Trajneri i klubit londinez, Tottenham, Jose Mourinho e ka kritikuar Gareth Balen në lidhje me deklaratat e tij për gjendjen e tij fizike në rrjetet sociale.
Bale postoi në llogarinë e tij në Instagram të martën për të deklaruar veten të gatshëm për të luajtur, por më pas mungoi ndeshjen e FA CUP të Tottenham Hotspur kundër Evertonit të mërkurën për shkak të një problemi muskulor.
Uellsiani kishte postuar një sesion trajnimi pozitiv, pavarësisht se ishte ndjerë jo i gatshëm dhe pasi kishte bërë një skanim një ditë më parë.
“Postimi nuk ishte as përgjegjësia e tij, nuk e di”, tha Mourinho.
“Por postimi po tregonte që ai është i gatshëm dhe ishte plotësisht e gabuar. Ishte një kontradiktë midis postimit dhe realitetit”, shtoi tutje portugezi.
Mourinho shpjegoi se megjithëse skanimi të hënën nuk zbuloi asgjë, Bale nuk ishte ende i gatshëm dhe kjo është arsyeja pse ai nuk luajti kundër Everton.
