Mesfushori i Barcelonës, Miralem Pjanic nuk është i lumtur me minutazhën momentale dhe i është bashkangjitur debatit për lojtarin më të mirë në histori.
Pavarësisht që ka luajtur në disa pozita, Ronald Koeman nuk i ka pëlqyer, ndërsa tani boshnjaku gjendet pas Riqui Puig dhe Ilaix Moriba.
Duke folur për Telefoot, Pjanic thotë se nuk e di pse nuk është duke luajtur shumë.
“Nuk i di arsyet pse nuk jam duke luajtur siç pritet. Jam duke punuar dhe kam respekt për vendimet e trajnerit edhe pse nuk i pranoi”.
“Dua të lë emër në këtë klub”, tha ai.
Kurse, i pyetur për debatin e lojtarit më të mirë në histori, Pjanic gjithashtu dha mendimin e tij në zgjedhjen Messi ose Ronaldo.
“Është vështirë të zgjedhës njërin. Cristiano është impresionues në vazhdimësi dhe mënyrën serioze të punës. Është i fokusuar edhe në detajet e vogla, si golat ose statistikat, që nuk e kam parë askund”.
“Messi është diçka e veçantë, është vështirë të bësh si ai, është magjike. Janë të dy kampionë të mëdhenj”, u shpreh ai.
