Mesfushori i Liverpoolit, Jordan Henderson ka mbrojtur bashkëlojtarin Thiago Alcantara, që ka pranuar shumë kritika këtë sezon.
29-vjeçari nuk ka gjetur formën e duhur që prej transferimit në verë, duke pësuar disa lëndime të shpeshta.
Së fundmi paraqitja ndaj Leicesterit ishte e dobët dhe kritikat për spanjollin nuk janë ndalur, mirëpo Henderson ka mbrojtur bashkëlojtarin.
“Ka qenë brilant që prej transferimit në klub. Të gjithë e dinë se është yll botëror”.
“Është shembull dhe jemi duke mësuar nga ai. Ai e njeh më mirë Leipzigun se të gjithë dhe do na ndihmojë në 24 orët e ardhshme”, u shpreh ai.
Të martën e ardhshme do zhvillohet sfida mes “Reds” dhe Leipzigut në Budapest të Hungarisë.
