Barcelona u mposht mbrëmë 1-4 në “Camp Nou” nga Paris Saint Germain, duke i zbehur pothuajse plotësisht mundësitë e kualifikimit tutje.
Ndeshja frustruese për katalanasit nuk kaloi edhe pa incidente mes bashkëlojtarëve.
Mbrojtësi i Barcelonës, Gerard Pique ishte i tërbuar me shokët e tij të skuadrës për pamundësinë e tyre për të mbajtur topin dhe përfundoi duke debatuar me Griezmann i cili u përpoq ta qetësonte atë.
Pasi PSG fitoi një kënd në pjesën e dytë, Piqué shpërtheu në pamundësinë e shokëve të tij të skuadrës për t’u imponuar në lojë. Me asnjë tifoz në turmë, absolutisht çdo fjalë mund të dëgjohej.
“Asnjë periudhë e zgjatur e posedimit, për hir të zotit”, bërtiti Piqué.
“Merre me të lehtë”, u përgjigj shoku i tij i skuadrës Antoine Griezmann, por Piqué nuk ishte i gatshëm të qetësohej.
Dyshja nuk kursyen as të sharat ‘e lehta’ mes veti.
