MIlani as në ëndërr nuk e ka pa se do të pësojë debakël me rezultat 3:0 nga rivali i përbetuar dhe i përjetshëm, Interi.
Derbi më i madh italian pothuajse edhe në Kontinentin e Vjetër, u fitua bindshëm nga zikaltrit në kuadër të javës së 23-të të Serie A në futboll.
Dy skuadra të te njëjtit qytet, që luajnë në një stadium, që sjellin emocione kudo, Interi doli ballëlart e Zlatan Ibrahimoviç me Milanin kokulur.
Në minutën e 5-të, Lukaku dinak, harkoi për bukuri dhe Martinez me kokë nga afërsia shkundi pjesën e epërm të majtë të Milanit, 0:1.
Argjentinasi Lautaro Martinez ishte në formën më të mirë, shënoi edhe golin e dytë të tij dhe të epërsisë 0:2 pikërisht në minutën e 57-të.
Ai nuk e pati të vështirë që nga afërsia dhe me gjakftohtësi ta plasojë topin në portën e portierit Donnarumma.
Në minutën e 66-të, belgu Romelu Lukaku, i papërmbajtshmi, ai nga rreth 15-16 metra godet fortë e në këndin e poshtëm të djathtë, 0:3.
Martinez me dy gola dhe Lukaku një gol e një asistim, janë trimat e kësaj fitore. Interi udhëheq renditjen me 53 pikë apo ka katër më shumë se Milani në pozitën e dytë.
