Dy klubet angleze, Liverpool dhe Arsenal janë duke vëzhguar mesfushorin e RB Leipzigut, Marcel Sabitzer.
Mesfushori është duke shkëlqyer në Bundesliga, derisa së fundmi flitet për kalimin e mundshëm në Premierligë.
Sipas Todo Fichajes, Sabitzer që ka fituar reputacionin si një ndër mesfushorët më të mirë në botë është në ‘radarin’ e dy Arsenalit dhe Liverpoolit.
Skuadra e drejtuar nga Mikel Arteta thuhet se do shpenzojë në merkaton e radhës që të përforcojë skuadrën dhe një ndër prioritet është Sabitzer.
Ndërsa, duke parë që këtë edicion Liverpool ka probleme të mëdha në mesfushë, atëherë Klopp është duke shikuar mundësinë e transferimit të talentit të Leipzigut.
Vlera e kartonit të Sabitzer thuhet se është rreth 42 milionë euro.
