Andrea Pirlo ka thënë të premten se ai ende beson se Juve mund ta fitojë titullin në Serie A.
“Është brenda objektivave tona, ne e dimë se kemi skuadra të forta para nesh, por ne jemi Juventusi dhe duhet të luftojmë deri në fund”, ka deklaruar Pirlo në konferencën për shtyp para duelit në udhëtim te Verona që zhvillohet të shtunën.
Juventusi është në vendin e tretë në Serie A, katër pikë prapa Milanit të vendit të dytë, dhe tetë prapa Interit që është lider.
Skuadra e drejtuar nga Pirlo e ka një ndeshje më pak të zhvilluar atë ndaj Napolit që luhet më 17 mars.
