Gol që vlen finalen, Armando Broja rrëmben skenën në Holandë. Sulmuesi shqiptar nuk ndalet!
Armando Broja vazhdon të shkëlqejë në Holandë me skuadrën e Viteshes, ku luan i huazuar nga Chelsea.
Sulmuesi i Shqipërisë ka gjetur rrugën e rrjetës ditën e sotme, duke i dhënë avantazhin Viteshes në minutën e 75′ ndaj Venlos, në ndeshjen e vlefshme për gjysmëfinalen e Kupës. Talenti shqiptar, shfrytëzon në maksimum një krosim të Tanane, duke goditur bukur me kokë, për ta ndalur topin në fundin e rrjetës.
Një gol më shumë vlera ky i Brojës, që dërgon Viteshen në finale të Kupës, ku do të përballen me fituesin e çiftit Herenven-Ajaks.
