Schalke 04 nuk arriti më shumë se një barazim pa gola sonte ndaj Mainzit, ekip që po lufton gjithashtu për mbijetesë.
Sezoni 2020/21 nuk iu doli aspak siç pritej ekipit të njohur gjerman, Schalke 04. Dikur garonte për titull dhe merrte pjesë në Champions League, tani Schalke 04 është e fundosur në tabelë në pozitën e fundit.
Ata kanë arritur të grumbullojnë vetëm 10 pikë në 24 xhirot e këtij edicioni në Bundesligë.
Schalke aktualisht është tetë pikë larg “shpëtimit”, ndërsa as kalendari nuk e favorizon ekipin e ri të Shkodran Mustafit.
Atyre u kanë mbetur edhe 10 ndeshje për të shpëtuar nga rënia, e cila do të vinte pas 30 viteve.
Brenda këtyre 10 ndeshjeve, Schalke do të ketë punë edhe me ekipet e forta siç janë Borussia Monchengladbach, Bayer Leverkusen, Hoffenheim e Eintracht Frankfurt.
