Sulmuesi i Fiorentinas, Franck Ribery pritet që në fund të sezonit të largohet dhe të transferohet te Monza ose të rikthehet në Bundesliga.
Kontrata e ish yllit të Bayern Munichut skadon në fund të sezonit dhe ndoshta këta do jenë muajt e fundit, kështu të paktën ka raportuar gazeta italiane, Gazzetta dello Sport.
Ribery ka realizuar një gol dhe dhuruar pesë asistime në 19 ndeshje në Seria A këtë edicion dhe thuhet se lidhja e tij me trajnerin Cesare Prandelli nuk është e mirë.
37-vjeçari fiton 4.5 milionë euro në vit dhe dy palët pritet të ndalojnë bashkëpunimin në fund të sezonit.
Sipas këtij raportimi, Ribery nuk do pensionohet por të rikthehet në Bundesliga, ose të kalojë te Monza, ku do ribashkohet me mikun e tij, Kevin Prince Boateng.
