Kapiteni i Manchester Unitedit, Harry Maguire, prodhoi një nga huqjet më të jashtëzakonshme të sezonit nga një distancë prej një metër kundër Milanit.
Djajtë e Kuq luajtën baras 1-1 ndaj Rossonerëve në kuadër të ndeshjes së parë të fazës së 1/8-tës në Ligën e Evropës.
Golat në këtë ndeshje mes dy rivalëve klasik u shënuan nga Amad Diallo (50’) dhe Simon Kjaer (90+) për mysafirët.
Megjithatë, Unitedi mund të gjente epërsinë më herët dhe të shkonte në pushim mes pjesëve me qetësi.
Ishte kapiteni Maguire, i cili tregoi se është një mbrojtës kur humbi një rast ideal nga rreth një metër.
Anglezi dështoi ta dërgojë topin në portën e zbrazët, ndërsa goditja e tij u ndal vetëm nga shtylla duke prodhuar ‘huqjen e vitit’.
Ky rast i humbur i Maguire ka krijuar pompozitet të madh në rrjetet sociale.
