Ndeshja e fundit e Kristiano Ronaldos me Real Madrid është në vitin 2018, teksa që nga ajo periudhë as portugezi dhe as klubi spanjoll nuk kanë përjetuar shumë gëzime.
Vërtet madrilenët fituan kampionatin në sezonin e kaluar, ndërkohë që edhe CR7 ka shënuar gola dhe ka fituar Serie A me Juventusin.
Por, të dy palëve iu mungon suksesi europian, teksa portugezi duket se e ka të vështirë ta bëjë këtë me bardhezinjtë. Ndaj, nga Spanja sipas El Chiringuito është duke u përfolur gjithnjë e më shumë një operacion rikthimi i 3-vjeçarit në Madrid. Agjenti i Ronaldos, Horge Mendez ka pasur bisedime me drejtues të klubit madrilen për të studiuar mundësitë.
Ndërkaq, duket se edhe nga Juventus nuk do të ketë shumë pengesa nëse futbollisti vendos të largohet pasi rroga e tij është duke rënduar gjithnjë e më shumë bilancet e klubit Italian.
Megjithatë, mbetet për t’u parë pasi deri tashmë nuk ka asgjë zyrtare nga palët, teksa edhe PSG mbetet një alternativë për Ronaldon.
