Drejtori sportiv i Juventusit, Fabio Paratici ka konfirmuar se ylli i skuadrës, Cristiano Ronaldo nuk do largohet në verë.
Portugezit i skadon kontrata në vitin 2022, por ka dështuar të fitojë Ligën e Kampionëve në tri vite te Juventusi, derisa këtë vit u eliminua nga Porto.
Kjo ka bërë që të jenë shumë spekulime për largimin e mundshëm, e së fundmi flitet për rikthimin te Real Madrid, mirëpo Paratici ka konfirmuar se pesë herë fituesi i Topit të Artë nuk do largohet.
“Ideja me bën të qesh. Gjatë karrierës ime nuk kam dëgjuar asnjëherë nëse Cristiano ishte transferim i mirë ose jo. U rrita në një fshat të vogël duke dëgjuar të flasin për Rivaera, Mazzola dhe Platini. Ai është kampion i Seria A, ka fituar Topin e Artë, Ligën e Kampionëve dhe deri me tani ka shtatë trofe me ne”.
“Është privilegj që e kemi këtu, e përfaqëson të ardhmen, s’ka asnjë dyshim”, deklaroi ai.
Ronaldo sonte (e diele), u bë zyrtarisht golashënuesi numër një në histori të futbollit me 770 gola në ndeshje zyrtare, tri më shumë se legjenda braziliane, Pele.
