Chelsea do të përballet me Porton në çerekfinale të Ligës së Kampionëve muajin e ardhshëm.
Tifozët e futbollit e kanë parë këtë short sikurse të ‘lehtë’ për Chelsean, mirëpo i këtij mendimi nuk është Thomas Tuchel.
Duke folur për mediat, Tuchel tha: “Së pari jam i lumtur që luajmë një lojë kundër një ekipi jo-anglez, Liga e Kampionëve ka të bëjë me këtë”.
“Ne do ta luajmë ndeshjen e dytë në shtëpi e cila ndihet mirë, sepse ndoshta kemi një avantazh të vogël për ta përfunduar ndeshjen në shtëpi”.
“Është e qartë, shumë njerëz tani do të na bëjnë favoritë kundër Porto por kjo nuk do të na ndihmojë aspak”, ka thënë ai.
“Ne jemi të sigurt në vetvete dhe kjo është e lidhur ngushtë me performancat tona. Kështu që ne kemi besim se do të përballemi me një kundërshtar të fortë dhe do t’i përballojmë me respekt” përfundoi intervistën.
Nëse Chelsea kalon në gjysmëfinale, Blutë do të përballen me fituesin e barazimit ndërmjet Real Madrid dhe Liverpool.
