Futbollisti i Lyonit, Memphis Depay ka kërkuar publikisht nga Qeveria Franceze t’i lejohet grumbullimi me Kombëtaren e Holandës për ndeshjet kualifikuese për Kampionatin Botëror.
Ai në profilin e tij në Twitter kërkoi t’i lejohet kjo gjë, pasi qeveria po bën përjashtime për Kombëtaren e Francës që udhëton jashtë Evropës për t’i luajtur ndeshjet.
“Qeveria e Francës, a mundem ju lutem t’i bashkohem ekipit kombëtar të Holandës të hënën. Kjo do të ishte korrekte pasi të gjithë po bëni përjashtime për ekipin kombëtar të Francës që udhëton jashtë Evropës për t’i luajtur ndeshjet” – shkroi Depay.
Gjatë këtij muaji, Holanda do t’i luajë tri ndeshje. Fillimisht i shkon Turqisë, pastaj e pret Letoninë dhe më pas udhëton për në Gjibraltar.
