Menaxheri i Evertonit, Carlo Ancelotti ka reaguar pas humbjes së pësuar në kuadër të FA Cup.
Manchester City siguroi biletën për në gjysmëfinale të FA Cup duke mposhtur Evertonin me rezultatin 2-0.
Pas ndeshjes, Carlo Ancelotti deklaroi se ishte i zhgënjyer me rezultatin, por krenar me lojtarët e tij.
Italiani deklaroi se Manchester City është skuadra më e mirë në botë për momentin.
“Jam i pakënaqur me rezultatin dhe eliminimin nga FA Cup”, tha ai.
“Kemi dhënë më të mirën nga vetja, jemi mbajtur mirë për 80 minuta, por ata janë një skuadër e madhe”, tha Ancelotti.
“Sipas meje, në këtë moment, ata janë skuadra më e mirë në botë”, përfundoi Carlo Ancelotti.
