Sulmuesi i talentuar anglez, Harvey Elliott, në këtë edicion është huazuar nga Liverpooli te skuadra Blackburn Rovers në Championship (Liga e Dytë e Anglisë).
17-vjeçari në 33 ndeshje të zhvilluara në këtë edicion i ka shënuar pesë gola derisa ka kontribuuar edhe me 10 asistime.
Reprezentuesi i Kombëtares së Anglisë U-17 me gjasë do të kthehet në “Anfild” ku e pret një karrierë e gjatë dhe e bujshme.
Elliottin e ka lavdëruar edhe shoku i tij i skuadrës te Blackburn, Stewart Downing.
“Me aq sa kam parë deri më tani, ai do të jetë me siguri pjesë e Premierligës për një kohë të shkurtër. Elliott është lojtar jashtëzakonisht i mirë” ka deklaruar Stewart Downing për “Goal”.
Elliott e ka nisur karrierën si senior te skuadra e Fulhamit në vitin 2018 për të rënë një vit më pas në “radarin” e Liverpoolit.
