Liverpool ka në portë një nga gardianët më të mirë në Botë, me Alisson Bekcer që mbron katërkëndëshin e “The Reds”.
Pavarësisht se bëhet fjalë për një nga portierët më të mirë në Botë, drejtuesit e kuq vijojnë të mendojnë për pasuesin e Alisson.
Mediat në Angli bëjnë me dije se pasuesi i Alisson është gjetur dhe është Ugurcan Cakir.
Portieri i talentuar i Trabzonspor shihet si alternativa ideale për “The Reds”. Cakir mbron prej disa vitesh portën e Trabzonspor.
Kartoni i 24-vjeçarit vlerësohet rreth 15-20 milionë euro. Cakir është pjesë e Trabzonspor që në vitin 2012, kur në atë kohë aktivizohej për ekipin U-17.
