Agjenti i David Alabas, Pini Zahavi nuk ka garantuar se klienti i tij do transferohet te Barcelona ose Real Madrid.
Austriakut i skadon kontrata në qershor dhe është duke u bërë garë e madhe nga top gjigantët evropianë.
Real Madrid dhe Barcelona shihen si destinacionet e preferuara te Alaba, derisa thuhet se lojtari ka refuzuar kalimin te Chelsea.
Sidoqoftë, agjenti Zahavi ka konfirmuar se ende s’ka asnjë marrëveshje.
“David duhet të zgjedhë se kush do e fitojë garën. Jemi duke biseduar edhe me klubet e tjera. Nuk ka ndonjë afat”, tha ai.
Real Madrid thuhet se ka marrëveshje me Alaba, por ende nuk është nënshkruar kontrata.
