Teksa Shqipëria ishte duke fituar në përballjen kundër San Marinos, humbja më e madhe erdhi nga mediat zvicerane:
“Nedim Bajrami nuk i lejohet Shqipëria”. Kjo pasi FIFA ka një rregull se lojtarët që kanë luajtur me një Kombëtare pas moshës 21-vjeçare, nuk mund të bëjnë tjetër zgjedhje.
Pra kështu përjashtohej mundësia që Bajrami të zgjidhte Shqipërinë.
Por ashtu siç edhe ju kemi informuar, FIFA nuk e ka kthyer ende përgjigjen zyrtare për aprovimin ose jo të lejes për aktivizimin e mesfushorit të Empolit me ngjyrat kuqezi.
E nëse përgjigja do të vijë negative, FSHF do të marrë sërish të gjithë hapat e nevojshëm duke përfshirë këtu edhe gjyqet sportive në mënyrë që Bajramit t’i realizohet dëshira për të përfaqësuar Kombëtaren Shqiptare.
