Drita fiton derbin junior ndaj Gjilanit, hapet gara për titull!
Drita ka triumfuar në derbin e xhiros së 23-të në Superligën e Juniorëve, derisa e ka mposhtur Gjilanin në derbi lokal me rezultat minimal 1-0.
Djelmoshat e Genc Sermaxhajt kanë marrë fitoren e dytë në këtë edicion në derbi lokal dhe kanë bërë një hap tejet të rëndësishëm në garën për titullin kampion.
Yll Ibrahimi ishte golashënuesi i vetëm i kësaj ndeshje, derisa me një goditje të saktë nga gjuajtja e lirë realizoi për t’i dhënë ‘bardhekaltërve’ fitoren e 14-të sezonale, raporton Sheshi.
