Një lajm i papritur ka ardhur ditën e sotme nga Anglia, ku mediat atje bëjnë me dije se Sergio Aguero mund të kalojë në Portugali sezonin e ardhshëm. Argjentinasi do të largohet nga Manchester City si lojtar i lirë, pasi është në fund të kontratës dhe nuk ka rinovuar.
“El Kun” kërkon një eksperiencë të re dhe mediat në Angli raportojnë se sulmuesi mund të kalojë te Benfica.
Gjiganti portugez ka kontaktuar me agjentin e lojtarit, ku i ka bërë me dije edhe detajet e kontratës që Benfica ofron.
Bëhet fjalë për një pagë gati 3.5 milionë euro në sezon. Shumë klube janë përfolur për të marrë shërbimet e Agueros, por Benfica ishte çudia më e madhe. Tani, mbetet në dorë të lojtarit se çfarë do të vendosë të bëjë.
