Luka Modric mendon se Lucas Vasquez do t’i mungojë shumë Realit për pjesën e mbetur të sezonit.
Lucas dëmtoi ligamentet e gjurit në El Clasico dhe tashmë ka përfunduar sezoni për të.
Me një fjalë, ai ka qenë lojtari më në formë i Realit muajve të fundit, duke luajtur në pozicione të shumta.
Zinedine Zidane e shihte si ‘JOKER’ dhe shumicën e ndeshjeve këtë edicion, i ka luajtur si mbrojtës i djathtë, shkaku i dëmtimeve të shumta të Dani Carvajal dhe Alvaro Odriozola.
“Është për të ardhur keq ajo që ndodhi me Lucasin sepse ka qenë në një formë spektakolare dhe e ka ndihmuar shumë ekipin. Normale se ndikojnë dëmtimet që kemi. Shpresoj të rikuperohet sa më parë”.
Ai foli edhe për ndeshjen në Anfield.
“Do të jetë një ndeshje e hapur, Ne duhet të luajmë si takimin e parë, të sulmojmë si ekip, të mbrojemi si ekip dhe të fitojmë”.
