Kupa e Holandës njeh fituesin e saj për këtë sezon. Ajaksi i rrëmben trofeun Viteshes në minutën e parë shtesë, kur shënoi golin e fitores 2-1. Një duel ky i pritur me shumë emocion nga tifozët e që në fushë pa protagonist edhe Armando Brojën.
Ky i fundit dhuroi asistin për golin e vetëm të shënuar nga verdhezinjtë.
Por kaq nuk mjaftoi për të shijuar trofeun e parë në karrierën e tij si profesionist, megjithëse i shkoi fare pranë.
E pavarëisht kësaj, përballë ishte një skuadër si Ajaksi, që ka një traditë të madhe në futbollin holandez, por edhe në atë europian, ku ka shkruar historinë për vite me radhë.
