Gazetari i njohur italian, Fabrizio Romano ka raportuar se UEFA së shpejti do të marrë vendim në lidhje me klubet që janë përfshirë në krijimin e Superligës Evropiane, e që akoma janë në garë për të fituar Champions Leaguen apo edhe Europa Leaguen.
Romano thotë se vendimi për këto klube do të merret në ditët e ardhshme, ndërsa shton faktin se presidenti i UEFA’s, Ceferin dëshiron përjashtimin e tyre (City, Chelsea, Real Madrid, Manchester United dhe Arsenal).
Vendimi i UEFA-s në lidhje me gjysmëfinalet e UCL dhe UEL do të merret në ditët e ardhshme pas takimit me ekipin ligjor.
Ata do të vendosin nëse do të përjashtojnë City, Chelsea, Real, Man Utd, Arsenal.
Ceferin dëshiron t’i përjashtojë ekipet sa më shpejt të jetë e mundur. NUK është vendosur – varet nga ekipi ligjor”, shkruan Romano.
