Barcelona dhe Atletico Madridi i luajnë sot ndeshjet e tyre të javës së 33-të në La Liga.
Prej orës 16:15, Barcelona i shkon Villarealit. Katalunasit kërkojnë fitoren për t’u ngjitur në tabelë, teksa janë tri pikë pas Realit, por me dy ndeshje më pak të luajtura dhe pesë pikë prapa Atletico Madridit, por me një ndeshje më pak të luajtur.
Në anën tjetër, Villareali synon njërin nga vendet që dërgojnë në gara evropiane edicionin e ardhshëm.
Atletico Madridi kërkon fitoren që ta thellojë epërsinë e pikëve ndaj Real Madridit, që barazoi pa gola dje me Betisin.
Përballë do ta ketë ekipin e Athletic Bilbaos që nuk ka ndonjë objektiv këtë edicion.
