Ka përfunduar edhe xhiroja e 30-të në Superligën e Kosovës në futboll.
Me fitoren e Prishtinës e Ballkanit dhe dështimin e Dritës, lufta për titullin e kampionit është bërë shumë e zjarrtë.
Në ndeshjen tjetër Llapi ka triumfuar kundër Trepçës ’89 me rezultatin e ngushtë, 2-1.
Pas ndeshjes është deklaruar edhe kryetrajneri i Trepçës ’89, Shpëtim Idrizi.
“Jena përgatit maksimalisht kundër Llapit, të them të drejtën pjesën e parë ke diçka krejt ndryshe, po na ndodhë shpesh. Në pjesën e dytë një pakujdesi apo një nervozizëm të lojtarët tonë dhe unë mendoj që kjo ndikoi tek humbja.
Një sulmues tipik është duke na munguar, ne po dalim para portës po krijojmë raste të shumta”, tha Idrizi pas ndeshjes.
