Ish portieri, Granit Kolshi kishte dhënë një deklaratë të fortë në emisionin “Sporti Total” në lidhje me kurdisjet në elitën e futbollit të Kosovës, raporton Insporti.
Kolshi deklaroi se Prishtina, Drita dhe Llapi do të jenë në Evropë pasi kanë bërë matematika, ndërsa Ballkani do të mbetet jashtë.
“Llapi, Drita, Prishtina i kanë bërë kalkulimet kryesore se cila me qenë në Evropë. Skuadra e cila është më së keqti është Ballkani. Prishtina në Llap dhe kjo ndeshje është 80% e kurdisur. Prishtina do mbetet në vendin e dytë, Drita kampion dhe Llapit në Evropë”, ka thënë Kolshi në emisionin “Sporti Total”.
Teksa, sot me anë të një statusi, Koloshi ka lënë të nënkuptohet së pas kësaj deklarate është kërcënuar, ku në rrjetin social, Facebook, ka shkruar: “Mua nuk me frikësojnë kërcënimet, me rrisin forcën për te qene zë i fuqishëm ndaj çdo parregullsie!".
